نئی دہلی :(ایجنسی)
آج یہاں منعقد ایک پروگرام میں مختلف مذاہب کی اہم شخصیات نے ایک پلیٹ فارم پر جمع ہو کر قومی اتحاد کا درس دیا اور کہاکہ ہم سب انسانیت کے پیروکار ہیں اور سبھی مذاہب انسانیت کی تعلیم دیتے ہیں اور سبھی مذاہب کااحترام بھی لازمی ہے ،لہٰذا ایسی تشویشناک صورت حال میں موجودہ وقست میں ضرورت اس بات کی ہے کہ قومی اتحادو یکجہتی ،گنگا جمنی تہذیب، آپسی ایکتا، بقائے باہمی ہم آہنگی اور پیار ومحبت کو قائم کرکے محبت کا پیغام عام کریں۔
راجدھانی کے کانسٹی ٹیوشن کلب آف انڈیا میں سماجی و ثقافتی تنظیم فیس گروپ کے زیر اہتمام منعقد پروگرام میں شریک سابق ایم پی جے پرکاش اگروال نے سبھی سے اپیل کی کہ ہمیں ہر حال میں اپنی قدیم گنگا جمنی تہذیب کو باقی رکھنا ہے اور موجودہ وقت میں اس کو مزید فروغ دینا ہے ۔ تبھی ہم اپنا معاشرہ وملک کو کامیابی کی منازل تک طے لے جاسکتے ہیں ۔
قبل ازیں تقریب کے کنویر ڈاکٹر محمد مشتاق احمد انصاری نے سبھی مہمانان کا گلدستہ کے ساتھ استقبال کیا جبکہ معروف شاعرہ انا دہلوی اور ڈاکٹر اعجاز پاپولر میرٹھی نے قوجی یکجہتی و سیکولرزم کے حوالے سے اپنے اشعار پیش کئے۔ اس دوران مختلف میدانوں میں بیش بہا خدمات انجام دینے والی شخصیات کو فیس راجدھانی رتن ایوارڈ 2022-:ایوارڈ سے نوازا گیا، جن میں بزرگ انسانی حقوق کارکن ڈاکٹر محمد تاج الدین انصاری، غزل ملہوترہ، ڈاکٹر محمد ایاز الدین ہاشمی، نیرج گپتا، سدھارتھ رائے، محمد وقار چودھری ، افروز خان، شہزادے کلیم خان، حافظ سلیم احمد، ڈاکٹر ببیتا وسواس، معروف رضا ودیگر اسمائے گرامی قابل ذکر ہیں۔ آخر میں نیہا شرما نے سبھی شرکاء کا شکریہ ادا کیا۔